打09review之前.
我必需要講講ytd餐飯.
3個女人一個墟. 我地8個就真係一個地球lol
好啦我承認我係口水花噴噴得太過份.
如果唔係有人要趕搭尾班小巴番屋企.
我諗可以坐係度3日3夜一路尖叫唱歌傾計.
痛快. 我沉澱了的回憶再浮面.
這應該是我今年最長最長的entry
先打事後打人.
so. here is my 09review. singcon.
其實真的沒想過入final.
真的很喜歡給喜歡的人唱喜歡的歌.
但我不是個很好的performer.
anyway. 謝謝掌聲和花. 還有大星星lol
sohealam送的仙人掌仍在. 暑假還開了好似假花的真花.
katherine. 哈哈. 我f6還想跟你去唱. 到時你揀歌 famine20.
感謝宣明會+tnss+olr SU搞了個很好玩的famine20.
我很記得自己玩sims的時候幫人運毒但很大聲嗌了出來"d白粉運去邊?!"
撞鬼咯. 仲累到groupmates俾差人拉lol
很開心和春哥金仔emily做了朋友仔.
我記得我地玩攝鏡玩到有幾din.
仲有係teddy cafe扮坐過山車.
仲有話隻麻雀有雀班. 第日個老公有肝病lol
無聊怪. 我地考完CE要出黎玩 easter單車行.
走呢一轉證明左我cerebellum有好大問題
我都忍唔住問自己點解踩4個碌既單車都可以炒車
不過我覺得自己好西利呀4個碌咁食力我都踩完全程.
雖然全程包尾仲要慢到前面3個燥晒底lol
sohealam我對你唔住呀我最尾都係冇去學踩單車. 哈. osa camp.
出camp即刻病1個禮拜病到變彊屍
入面d人真係叻得好緊要. 我好似去錯地方咁lol
好多應該都唔會再見番喇.
不過慶幸自己都執得番幾個朋友仔.
jacqueline honor alison尤其係你地.
4日裡面我地玩得好開心好開心.
我而家次次聽到明年今日都會諗起你地.
我連上phy堂做experiment熜左燈部機係度眨眨下都諗到果晚我地圍埋唱歌.
可能個願望有少少傻.
不過我真係希望呢. 無論我地第日去到邊都要keep住. fever heat summer.
我承認呢個暑假係歷來比較din既一個.
基本上每樣野sohealam都有同我經歷.
真係玩到喪晒. 好多videos同fotos.
希望呢份狂熱可以廷續到七百年後(hee呢度有2首歌)
人不輕狂枉少年. 而家唔din何時din.lol election day.
今年個角色唔同左.
睇住班新coms當選喇.
個樣驚驚地又好開心.完全係當年既自己.
而家耐唔耐問下佢地做成點.
都幾自覺幾勤力. 我幾開心架.
真係長江後浪推前浪禮社實力沒法擋.
加油呀coms. 出年要贏番個champ番黎.
eggheads午間劇場.
哈哈. 鬼片笑片咩都睇.
仲有午間唱k時段如果我是陳奕迅.
6b一定要再搞. 開開心心過lunchtime先似樣架嘛. xmas party.
唉我已經為左呢壇野打左好多篇entry
其實諗黎諗去都係. 出年6b xmas aprty. 已經唔齊人.
都係果句. 當世事再沒完美可以在歲如歌中找你. 今年其實沒大事.
但到了今天. 一年的終結日.
我可以大大聲聲的喊出來這一年過得很哈碌但仍很開心.
不必有驚人的壯舉也會記住一切.
每一點每一滴都留在我心上. 我身邊有很多魔法師
懂得變很多很多的開心出來. 送給我.
真的. 很喜歡很喜歡聽你們的笑. 和你們一起笑.
儘管我們經常笑得有點失態. 無無聊聊的東西也笑. 本年度最佳損友非sohealam莫屬.
同你一齊. 真係玩到甩心甩肺. 哈.
玩到功課唔記得做唔記得帶唔記得抄./\.
不過講真好開心. 好開心識到你.
雖然我地幾時熟同點樣熟仍然係一個謎.
唔該你CE考好少少佢. 一定要番番黎.
我地要換pe衫唱we are family無聊日子總有意思. 美麗的小女人女王永慶
哈哈你和我一樣老了.
幾年來你的頭髮還是一樣的厚.
我知道我太無聊經常令你皺眉頭. 哈.
但我真的很喜歡你. 因為我總有辦法令你哭xd
好吧. 我承認我現在哭了(害人終害己= = )
其實我令你哭的辦法就是. 我先哭. 哈. 高招.
以下是打給明年如果要去canada的你.
如果不去就請你皺皺眉說: 車你這無聊怪.
喂. 我告訴你啊. 我知那邊有很多靚仔.
但不可以重色輕友. 知冇. 不可以忘記我的生日.
要寫信給我. 要常常詢問我有冇人要.
當然. 我還很希望你能常常回來探我.
不要行錯路去錯地方. 最多我送個world map俾你.
如果你夠膽唔理我呢. 我唔姓黎.lol 有點打不下去. 其實這些話好像應該在57惜別才發放出來
我開始擔心到時冇野寫喇. 擔心到喊唔停. karman.(好後悔冇同你改好多好多花名xd)
你是彭彭我是丁滿. 嗌嗌下我媽咪都嗌你做彭彭. 真慘.
你是我在學校裡認識最久的朋友(好像每年都強調這一點xd)
希望我們7年都是同學.
每年music exam都要聽你彈好好聽的琴
我這傻小子真的很喜歡聽. 每次都聽到想哭的樣子.
你每次說我的性格其實很討人喜歡. 我會開心一晚.
其實呢. 對不起. 我總覺得. f2的事是個污點.
但那些信我全部都有留下來.
怎麼都好. 或許我們變了呀婆的時候.
想想那些事. 會笑吧. 唔肥的肥安.
我們四. 又怎少得了你.
沒有是非. 你是個神奇到無與倫比的人.
跟肥安一起真的很輕鬆很輕鬆.
我常常給你改很難聽的花名. 在你扁了的嘴裡面.
其實我看到的是開心. 所以快點承認你跟我一起很開心啦
希望你永遠像個小孩子. 把愛輕輕放在心上.
沒有別的東西. 永遠單純.
一世好朋友.你的要求. 唉我勉勉強強就答應你好了.hee. 來自外星的王狗才.
不要打我. 我知你有想打我的衝動.
好鄰居. 其實我最懷念是drama的日子.
早出晚歸. 快樂滿足背後是辛苦. 辛苦背後是快樂滿足.
我記得你f3的一個entry(我咁好記性你要加我分. 知冇.)
說我衷心多謝你的一句加油. 你覺得我是個怪(傻)人.
你這外星人真不明白地球小女孩的心.xd
好喇我不胡鬧. 只是想說句.
我喜歡和你玩扣分. 喜歡和你說心事. 喜歡笑你. 喜歡你笑我.
好鄰居我喜歡你.
還有. 其實我地一d都唔似樣. 羊太/楊太/ 神太.
當肥mak大聲讀出潘小婷的時候我笑得很大聲.
哈哈.你這自戀的怪獸(omg我笑到停唔到)
之前的entry真不該打. 我要說的其實差不多啦.
很榮幸遇上你的鐵頭. 你的爛gag.
但很不幸遇上你的班馬姣lol
由kururu到6days in ust到你疑似轉校到再同你同班到怨婦事件.
我地發揮左日日笑一笑夜晚唔賴尿既精神.
以後. 要繼續. 但係我絕對唔同你姣埋一份xd 肥翹.
其實你唔肥. 有愛情既滋潤你索左:$
望到你. 我覺得你好似我個女.(我知係誇張左少少- - )
好似琴日你仲係果個f1妹妹仔.唔係幾識野.
今日你就變左個有目標有理想有抱負又叻又識諗既女仔.
我完全見到時間係你身上流過既痕跡.
你真係進步左好多好多. 而家可以lead住班細喇.
如果我f6番番黎我要向你講句多多指教. 講真的.
我而家其實有好多祝福想俾你.
因為我永遠記得當年係你成日同我講加油.
我真係好欣慰. 無論你第日條路點行. 考唔考apa.
我都祝福你都會心底裡為你講聲加油.
近近地. 就祝你出年既drama fest大成功..
希望players可以再攞獎. 做public performance! chanhoiyan.
好多謝你. 過時過節硬係有d長到睇死人既msg.
雖然我地一齊講10句有8句係廢話.
有1.5句係你問我功課lol
不過我真係覺得好開心.無無聊聊又一day.
我覺得你勁好笑. 成日以為我考完CE會走.
跟住次次寫card俾我都寫呢d.
都唔知你係邊度收d路邊社消息收到d咁流既料lol
今年因為技術上問題啦我地冇得一齊睇new moon.
下年xmas我帶隻blu-ray上你屋企睇丫不如.
哈哈超無聊. 好啦俾你估下我想同你講邊4隻字.
唔係我鐘意你呀. 係新年快樂呀.
白痴
睇番轉頭覺得sohealam好唔著數.
因為你係第1個. d mood係愈後先愈出.
不過唔緊要啦. 你有回信丫嘛佢地冇.
唔好咁傷心啦我知你想喊架喇xd 其實仲有好多人係我心上面.
好感激. 好懷念. 好多感受.
不過呢個entry實在太長太長太長喇己經.
逐個逐個繼續講既話. 我會永世坐左係呢個位度打字lol
好啦. 我而家unlock個心. 你地睇下感唔感應到我d愛?
感應到既話就係架喇. 我就係講緊我好鐘意你架喇. 朋友仔.
我真係真係當你一秒朋友就當你一世朋友. 我真係好鐘意你地. 每一個朋友仔.
有你地我真係開心到唔知講乜好.
開心到淨係想笑. 同埋喊.
一世慶祝整個地球上億個背影但和你碰上.
希望. 2010. 繼續stand by me. | 
argh! 好唔妥. 呢個一定唔係我.